ފ. އަތޮޅުގެ ތަޢުލީމީ ދާއިރާއާއި، ޞިއްޙީ ދާއިރާއަށް މާލީގޮތުން އެހީވެދީފި

20 އޮގަސްޓު 2025



ފ. އަތޮޅުގެ ތަޢުލީމީދާއިރާއާއި، ޞިއްޙީދާއިރާއިން ކުރަންބޭނުންވާ ކަންކަން ކުރުމަށް ފ. އަތޮޅު ކައުންސިލުން އެ ދާއިރާތަކަށް މާލީގޮތުން އެހީވެ ދީފިއެވެ. މާލީ އެހީގެ ގޮތުގައި ދީފައިވަނީ ފ. އަތޮޅުގެ ކޮންމެ ސްކޫލަކަށް -/20،000 ރުފިޔާ، އަދި ފ. އަތޮޅު ހޮސްޕިޓަލް ހިމެނޭގޮތަށް އަތޮޅުގެ ކޮންމެ ޞިއްޙީ މަރުކަޒަކަށް -/20،000 ރުފިޔާއެވެ.

މި އެހީ ދޫކޮށްފައިވަނީ، ކޮންމެ ދާއިރާއަކުންވެސް ފ. އަތޮޅު ކައުންސިލަށް ހުށަހަޅާފައިވާ ޕްރޮޕޯސަލްގައިވާ ކަންކަން ކުރުމަށެވެ. އެހީ ދިނުމުގެ އެއްބަސްވުމުގައި ސޮއިކުރުންއޮތީ 2025 އޮގަސްޓު 20 ވަނަ ދުވަހު ފ. އަތޮޅު ކައުންސިލްގެ އިދާރާގައެވެ. އެއްބަސްވުމުގައި ފ. އަތޮޅު ކައުންސިލްގެ ފަރާތުން ސޮއި ކުރެއްވީ ފ. އަތޮޅު ކައުންސިލްގެ ރައީސް ޙައްވާ ޢަބްދުލް ޢަޒީޒެވެ. ދާއިރާތަކުން ސޮއިކުރެއްވީ ކޮންމެ ދާއިރާއެއް ހިންގެވުމަށް ހުންނެވި އެންމެ އިސް ވެރިއެކެވެ.

ތަޢުލީމީ ދާއިރާ

01- ފ. އަތޮޅު ތަޢުލީމީ މަރުކަޒު ފ. ނިލަންދޫ

02- ފ. އަތޮޅު މަދަރުސާ ފ. ފީއަލި

03- ފ. ދަރަނބޫދޫ ސްކޫލް ފ. ދަރަނބޫދޫ

04- ފ. މަގޫދޫ ސްކޫލް ފ. މަގޫދޫ

05- ފ. ބިލެއްދޫ ސްކޫލް ފ. ބިލެއްދޫ

ޞިއްޙީ ދާއިރާ

01- ފ. އަތޮޅު ހޮސްޕިޓަލް ފ. ނިލަންދޫ

02- ފ. ދަރަނބޫދޫ ޞިއްޙީ މަރުކަޒު ފ. ދަރަނބޫދޫ

03- ފ. މަގޫދޫ ޞިއްޙީ މަރުކަޒު ފ. މަގޫދޫ

04- ފ. ބިލެއްދޫ ޞިއްޙީ މަރުކަޒު ފ. ބިލެއްދޫ

05- ފ. ފީއަލީ ޞިއްޙީ މަރުކަޒު ފ. ފީއަލި