2025 ވަނަ އަހަރުގެ ފ. އަތޮޅު ޤުރުއާން މުބާރާތް ނިންމުމުގެ ރަސްމިއްޔާތު ބާއްވައިފި

ނިލަންދެއަތޮޅު އުތުރުބުރީ އަތޮޅު ކައުންސިލުން އިންތިޒާމް ކޮށްގެން މިއަތޮޅުގެ ސްކޫލް މަދަރުސާތަކަށް ހުޅުވާލައިގެން 2025 ޖުލައި 17 އިން 19 އަށް ފ. ފީއަލީގައި ކުރިއަށް ގެންދިޔަ 2025 ވަނަ އަހަރުގެ ފ. އަތޮޅު ޤުރުއާން މުބާރާތް ނިންމުމުގެ ރަސްމިއްޔާތު 2025 ޖުލައި 19 ވަނަ ދުވަހުގެ 10.00 ގައި ފ. އަތޮޅު މަދަރުސާގައި ބާއްވައިފިއެވެ.
މި ރަސްމިއްޔާތު ޝަރަފްވެރި ކޮށްދެއްވީ ފ. އަތޮޅު ކައުންސިލްގެ ރައީސް ޙައްވާ ޢަބްދުލް ޢަޒީޒެވެ. މި ރަސްމިއްޔާތުގައި ފ. އަތޮޅު ކައުންސިލްގެ މެންބަރުންނާއި، ސްކޫލްތަކުގެ ޕްރިންސިޕަލުންނާއި، އަތޮޅު ކައުންސިލްގެ އިސް ވެރިންނާއި ފީއަލީގެ ދާއިރާތަކުގެ ވެރިންނާއި ސްކޫލްތަކުގެ ދަރިވަރުންނާއި ބެލެނިވެރިން ބައިވެރި ވެފައި ވެއެވެ.
2025 ވަނަ އަހަރުގެ ޤުރުއާން މުބާރާތުން 02 ދަރިވަރަކު 01 ވަނަ ހޯދާފައި ވެއެވެ. އެއީ ފ. އަތޮޅު ތަޢުލީމީ މަރުކަޒުގެ ދަރިވަރު ފ. ނިލަންދޫ ފިޔާތޮށިމާގޭ މަރިޔަމް އިފްޝާ އަޝްފާޤާއި ފ. އަތޮޅު ތަޢުލީމީ މަރުކަޒުގެ ދަރިވަރު ބ. އޭދަފުށީ ފެންއާރު ފާޠިމަތު އަމްނާ ޢަބްދުﷲ އެވެ. 02 ވަނަ ހޯދާފައިވަނީ ފ. އަތޮޅު ތަޢުލީމީ މަރުކަޒުގެ ދަރިވަރު ފ. ނިލަންދޫ ފިނިފެންމާގޭ އާމިނަތު މަލްހާ ނަސީމެވެ. 03 ވަނަ ހޯދާފައިވަނީ ފ. އަތޮޅު މަދަރުސާގެ ދަރިވަރު ފ. ފީއަލީ އިރުދޭމާގޭ އާމިނަތު އީލާފް ޢަބްދުﷲ އެވެ.
މިއަހަރުގެ މުބާރާތުން 01 ވަނަ ސްކޫލަކަށް ހޮވިފައިވަނީ ފ. އަތޮޅު ތަޢުލީމީ މަރުކަޒެވެ. 02 ވަނަ ސްކޫލަކަށް ހޮވިފައިވަނީ ފ. ބިލެއްދޫ ސްކޫލެވެ. 03 ވަނަ ސްކޫލަކަށް ހޮވިފައިވަނީ ފ. ދަރަނބޫދޫ ސްކޫލެވެ. 2024 ވަނަ އަހަރު ބަލައިގެންނާއި ނުބަލައި ކިޔެވުމުގެ ގޮފިން ސްކޫލްތަކުގެ ވަނަ ހޮވިނަމަވެސް މިއަހަރުގެ މުބާރާތުގައި ގޮފިތަކުން ސްކޫލްތަކުގެ ވަނަތައް ހޮވާފައެއް ނުވެއެވެ.
މި މުބާރާތުގައި ބަލައިގެން ކިޔެވުމުގެ ގޮފިން 02 ދަރިވަރަކު 01 ވަނަ ހޯދާފައި ވެއެވެ. އެއީ އެއީ ފ. އަތޮޅު ތަޢުލީމީ މަރުކަޒުގެ ދަރިވަރު ފ. ނިލަންދޫ ފިޔާތޮށިމާގޭ މަރިޔަމް އިފްޝާ އަޝްފާޤާއި ފ. އަތޮޅު ތަޢުލީމީ މަރުކަޒުގެ ދަރިވަރު ބ. އޭދަފުށީ ފެންއާރު ފާޠިމަތު އަމްނާ ޢަބްދުﷲ އެވެ. 02 ވަނަ ހޯދާފައިވަނީ ފ. އަތޮޅު މަދަރުސާގެ ދަރިވަރު ފ. ފީއަލީ އިރުދޭމާގޭ އާމިނަތު އީލާފް ޢަބްދުﷲ އެވެ. 03 ވަނަ ހޯދާފައިވަނީ ފ. އަތޮޅު ތަޢުލީމީ މަރުކަޒުގެ ދަރިވަރު ފ. ނިލަންދޫ ހަވޭލި ރީމާޒް ޙާމިދެވެ.
މި މުބާރާތުގައި ނުބަލައި ކިޔެވުމުގެ ގޮފިން 01 ވަނަ ހޯދާފައިވަނީ ފ. އަތޮޅު ތަޢުލީމީ މަރުކަޒުގެ ދަރިވަރު ފ. ނިލަންދޫ ފިނިފެންމާގޭ އާމިނަތު މަލްހާ ނަސީމެވެ. 02 ވަނަ ހޯދާފައިވަނީ ފ. އަތޮޅު ތަޢުލީމީ މަރުކަޒުގެ ދަރިވަރު ފ. ނިލަންދޫ ރިހިވެލި އައިރާ އަޙްމަދެވެ. 03 ވަނަ ހޯދާފައިވަނީ ފ. އަތޮޅު ތަޢުލީމީ މަރުކަޒުގެ ދަރިވަރު ފ. ނިލަންދޫ ހިޔާ މަޒީނާ ޢަބްދުﷲ އަޙްމަދެވެ.
ފ. އަތޮޅު ޤުރުއާން މުބާރާތުގައި މިއަތޮޅުގެ ހުރިހާ ސްކޫލަކުން ބައިވެރިވެފައިވާއިރު، މިއަހަރުގެ މުބާރާތުގައި ބައިވެރިވެފައިވަނީ ޖުމްލަ 81 ދަރިވަރުންނެވެ. އެއީ އަންހެން 51 ދަރިވަރުންނާއި، ފިރިހެން 30 ދަރިވަރުންނެވެ. ބަލައިގެން ކިޔެވުމުގެ ގޮފިން 51 ދަރިވަރުން ބައިވެރިވިއިރު ނުބަލައި ކިޔެވުމުގެ ގޮފިން ބައިވެރިވެފައިވަނީ 37 ދަރިވަރުންނެވެ.
މި މުބާރާތުން 01 ވަނަ 02 ވަނަ އަދި 03 ވަނަހޯދި ދަރިވަރުންނަށާއި މުބާރާތުގެ ދެ ގޮފިން 01 ވަނަ 02 ވަނަ އަދި 03 ވަނަ ހޯދި ދަރިވަރުންނަށް ފައިސާގެ އިނާމާއި ތައްޓާއި ހަނދާނީ ލިއުން މިރަސްމިއްޔާތުގައި ދީފައި ވެއެވެ. އަދި ސްކޫލްތަކުގެ ބައިން 01 ވަނަ ހޯދި ފ. އަތޮޅު ތަޢުލީމީ މަރުކަޒަށް -/15،000 ރުފިޔާ، 02 ވަނަ ހޯދި ފ. ބިލެއްދޫ ސްކޫލަށް -/10،000 ރުފިޔާ އަދި 03 ވަނަ ހޯދި ފ. ދަރަނބޫދޫ ސްކޫލަށް -/5،000 ރުފިޔާގެ ފައިސާގެ އިނާއި ތައްޓާއި ހަނދާނީ ލިއުން އެސްކޫލްތަކަށް ދީފައި ވެއެވެ. 2024 ވަނަ އަހަރު 01 ވަނަ ސްކޫލަކަށް ދީފައިވަނީ -/10،000 ރުފިޔާއެވެ. 02 ވަނަ ސްކޫލަކަށް ދީފައިވަނީ -/7،000 ރުފިޔާއެވެ. 03 ވަނަ ސްކޫލަކަށް ދީފައިވަނީ މިއަރުވެސް ދިންވަރަށް -/5،000 ރުފިޔާއެވެ.
ފ. އަތޮޅު ޤުރުއާން މުބާރާތް ފީއަލީގައި ބޭއްވުމުގައި ފ. އަތޮޅު މަދަރުސާއާއި، ފ. ފީއަލީ ކައުންސިލްގެ އިތުރުން ފީއަލީގެ ދާއިރާތަކުންނާއި، ފީއަލީ ރައްޔިތުންގެ ފަރާތުން ވަރަށްބޮޑު އެއްބާރުލުމެއް ލިބިފައި ވެއެވެ. އަދި އަތޮޅު ތެރެއިން ފީއައްޔަށް ދިޔަ ޓީމުތަކަށް ވަރަށް ރަނގަޅު މެހްމާންދާރީއެއް އަދާކޮށްފައިވާކަންވެސް ފާހަގަ ކުރެވެއެވެ.
![]() މުބާރާތުން 01 ވަނަހޯދި ފ. އަތޮޅު ތަޢުލީމީ މަރުކަޒުގެ ދަރިވަރު މަރިޔަމް އިފްޝާ އަޝްފާޤް |
![]() މުބާރާތުން 01 ވަނަހޯދި ފ. އަތޮޅު ތަޢުލީމީ މަރުކަޒުގެ ދަރިވަރު ފާޠިމަތު އަމްނާ ޢަބްދުﷲ |
![]() މުބާރާތުން 02 ވަނަހޯދި ފ. އަތޮޅު ތަޢުލީމީ މަރުކަޒުގެ ދަރިވަރު އާމިނަތު މަލްހާ ނަސީމު |
![]() މުބާރާތުން 03 ވަނަހޯދި ފ. އަތޮޅު މަދަރުސާގެ ދަރިވަރު އާމިނަތު އީލާފް ޢަބްދުﷲ |
![]() ސްކޫލްތަކުގެ ބައިން 01 ވަނަހޯދި ފ. އަތޮޅު ތަޢުލީމީ މަރުކަޒު |
![]() ސްކޫލްތަކުގެ ބައިން 02 ވަނަހޯދި ފ. ބިލެއްދޫ ސްކޫލް |
![]() ސްކޫލްތަކުގެ ބައިން 03 ވަނަހޯދި ފ. ދަރަނބޫދޫ ސްކޫލް |
![]() ފ. އަތޮޅު ޤުރުއާން މުބާރާތް ހޯސްޓް ކުރުމުގެ އެއްބަސްވުމުގައި ސޮއިކުރުން |
ފ. އަތޮޅު ޤުރުއާން މުބާރާތުގައި ބައިވެރިވި ދަރިވަރުންގެ ތެރެއިން މާލޭގައި ބާއްވާ 38 ވަނަ ޤައުމީ ޤުރުއާން މުބާރާތަށް ހޮވުނު ދަރިވަރުންނަށް ހަނދާނީ ލިއުން މިރަސްމިއްޔާތުގައި ހަވާލުކޮށްފައި ވެއެވެ. ޤައުމީ ޤުރުއާން މުބާރާތަށް ހޮވާފައިވަނީ 22 ދަރިވަރުންނެވެ. އެއީ ބަލައިގެން ކިޔެވުމުގެ ގޮފިން 15 ދަރިވަރުންނާއި، ނުބަލައި ކިޔެވުމުގެ ގޮފިން 07 ދަރިވަރުންނެވެ.
ބަލައިގެން ކިޔެވުމުގެ ގޮފި
01- ޖޫދު މުޙައްމަދު ޖަމީލު - ފ. ބިލެއްދޫ ސްކޫލް
02- އާމިނަތު އަނާހު ނިހާދު - ފ. ބިލެއްދޫ ސްކޫލް
03- އާމިނަތު އަނުމް އިމްތިހާޒު - ފ. ބިލެއްދޫ ސްކޫލް
04- ޢާއިޝަތު ރައުޝަން ރަމީޒު - ފ. ބިލެއްދޫ ސްކޫލް
05- ސިޠާމް މުޙައްމަދު ޝިޔާމް - ފ. ބިލެއްދޫ ސްކޫލް
06- މުޙައްމަދު ކައިލް ޢަބްދުލް ފައްތާޙް - ފ. ބިލެއްދޫ ސްކޫލް
07- ޒޯޔާ އަޒްނީމް - ފ. ބިލެއްދޫ ސްކޫލް
08- އާމިނަތު އީލާފް ޢަބްދުﷲ - ފ. އަތޮޅު މަދަރުސާ
09- އަޙްމަދު ޝަޔާން ބިން މުޙައްމަދު ސަނޫނު - ފ. އަތޮޅު މަދަރުސާ
10- ޙަސަން އަޒާން ޢަބްދުﷲ އަސްޖަދު - ފ. އަތޮޅު ތަޢުލީމީ މަރުކަޒު
11- މަޒާޔާ ޢަލީ އަޙްމަދު - ފ. އަތޮޅު ތަޢުލީމީ މަރުކަޒު
12- ރީމާޒް ޙާމިދު - ފ. އަތޮޅު ތަޢުލީމީ މަރުކަޒު
13- މަރިޔަމް އިފްޝާ އަޝްފާޤް - ފ. އަތޮޅު ތަޢުލީމީ މަރުކަޒު
14- ފާޠިމަތު އަމްނާ ޢަބްދުﷲ - ފ. އަތޮޅު ތަޢުލީމީ މަރުކަޒު
15- ޝަމްހާން ޢަބްދުލް ޖަލީލު - ފ. އަތޮޅު ތަޢުލީމީ މަރުކަޒު
ނުބަލައި ކިޔެވުމުގެ ގޮފި
16- އަޙްމަދު މިކްޔާލް ބިން މުޙައްމަދު - ފ. އަތޮޅު ތަޢުލީމީ މަރުކަޒު
17- އައިރާ އަޙްމަދު - ފ. އަތޮޅު ތަޢުލީމީ މަރުކަޒު
18- ޝާއިން އަޙްމަދު ރަޝީދު - ފ. އަތޮޅު ތަޢުލީމީ މަރުކަޒު
19- އާމިނަތު މަލްހާ ނަސީމު - ފ. އަތޮޅު ތަޢުލީމީ މަރުކަޒު
20- މަޒީނާ ޢަބްދުﷲ އަޙްމަދު - ފ. އަތޮޅު ތަޢުލީމީ މަރުކަޒު
21- މިކްޔާލް މޫސާ - ފ. ދަރަނބޫދޫ ސްކޫލް
22- ޢިޝާ އަޙްމަދު - ފ. ދަރަނބޫދޫ ސްކޫލް