ކައުންސިލުން ދޭ ޚިދުމަތް ތަކުގެ ފީތައް

ތިރީގައިއެވަނީ ނިލަންދެއަތޮޅު އުތުރުބުރީ އަތޮޅު ކައުންސިލުން ދޭ ޚިދުމަތްތަކަށް ފީތައް ނަގަމުން ގެންދާ ގޮތުގެ ތަފްޞީލެވެ.

ކަނޑު އުޅަނދުގެ ލައިސަންސް ހެއްދުމުގެ ފީތައް

ފޮތް ގެއްލިގެން، ހަލާކުވެގެން އާ ކުރުމުުގެ ފީ ފޮތް އަލަށް ހެއްދުމާއި، ފޮތުގެ މުއްދަތު ހަމަވާތީ އާކުރުމުގެ ފީ ޢަމަލީ އިމްތިޙާނު ހެދުމުގެ ފީ (ކޮންމެ ފަހަރަކަށް) ފޮތް އަލަށް ހެއްދުން، އާކޮށްދިނުން، ކެޓަގަރީ އިތުރުކުރުން، ގެއްލިގެން، މަޢުލޫމާތު ބަދަލުވެގެން ހެއްދުމުގެ އިދާރީ ފީ (ކޮންމެ ފަހަރަކަށް) ޢަމަލީ އިމްތިޙާނު ހެދުމުގެ އިދާރީ ފީ (ކޮންމެ ފަހަރަކަށް)
40.00 ރުފިޔާ 25.00 ރުފިޔާ 100.00 ރުފިޔާ 100.00 ރުފިޔާ 25.00 ރުފިޔާ

މިނިސްޓްރީ އޮފް ޓްރާންސްޕޯޓް އެންޑް ސިވިލްއޭވިއޭޝަނުން 16 ޖަނަވަރީ 2023 ގައި ގެޒެޓްގައި ޝާއިޢު ކޮށްފައިވާ، ދިވެހިރާއްޖޭގެ ކަނޑުގެ ސަރަޙައްދުގައި ދުއްވާ ލޯކަލް އުޅަނދު ފަހަރު ދުއްވުމުގެ ލައިސަންސާބެހޭ 50-R/2023 ގެ ޤަވާޢިދުގެ 11 ވަނަ މާއްދާގައި، ކަނޑު އުޅަނދު ފަހަރު ދުއްވުމުގެ ލައިސަންސް ފީއަށް 250.00 ރުފިޔާ ނެގުމަށް އޮތްނަމަވެސް ލައިސަންސް ކާޑަށް ބަދަލު ކުރަންދެން ކުރިންވެސް ފީ ނަގަމުން ގެންދިޔަގޮތަށް ފީ ނެގުމަށް މިނިސްޓްރި އޮފް ޓްރާންސްޕޯޓް އެންޑް ސިވިލްއޭވިއޭޝަންގެ ނަންބަރު: 472/427/2023/6 (13 އޮގަސްޓް 2023) ސިޓީން އަންގަވާފައިވާތީ، ފީތައް ނަގަމުން ގެންދާނީ އެމިނިސްޓްރީ އަންގަވާފައިވާ ގޮތަށެވެ.

ކަނޑު ލައިސަންސް ހެއްދުމަށް މިއިދާރާއަށް ދައްކަންޖެހޭނީ ލައިސަންސް ހެއްދުމަށް ސަރުކާރަށް ދައްކަންޖެހޭ ފީއާއި، އިދާރީ ފީއެވެ. ކަނޑު ލައިސަންސް ހެއްދުމުގެ އިދާރީ ފީއަކީ އަތޮޅު ކައުންސިލުން ދޭ ޚިދުމަތަށް ނަގާ ފީއެކެވެ. މި ފައިސާ ޖަމާކުރާނީ މިއިދާރާގެ ޓުރަސްޓް ފަންޑަށެވެ. ކަނޑު ލައިސަންސް ހެއްދުމުގެ އެހެން ފީތައް މިއިދާރާއަށް ނެގުމަށްފަހު ޖަމާކުރާނީ ޕަބްލިކް ބޭންކް އެކައުންޓަށެވެ.

ތިރީގައިއެވަނީ ކަނޑުގެ ލައިސަންސް ހެއްދުމަށް ފީތައް ނަގާ ގޮތުގެ ސަޕޯޓިންގ ޑޮކިއުމެންޓް ތަކެވެ.

ކަނޑު ލައިސަންސާބެހޭ ޤަވާޢިދު [Download pdf]

ކުރިއެކޭ އެއްގޮތަށް ކަނޑުގެ ލައިސަންސް ފީ ނެގުމާގުޅޭ ޓްރާންސްޕޯޓް މިނިސްޓްރީގެ ސިޓީ [Download pdf]

ކަނޑުގެ ލައިސަންސް ހެއްދުމުގެ އިދާރީ ފީ ނެގުމަށް އަތޮޅު ކައުންސިލުން ނިންމި ނިންމުންތައް [Download pdf]


އެއްގަމު އުޅަނދުގެ ލައިސަންސް ހެއްދުމުގެ ފީތައް

ލައިސަންސް އަލަށް ހެއްދުން، އާކޮށްދިނުން، ކެޓަގަރީ އިތުރުކުރުން، ގެއްލިގެން، މަޢުލޫމާތު ބަދަލުވެގެން ހެއްދުމުގެ އިދާރީ ފީ (ކޮންމެ ފަހަރަކަށް) ދެފުރޮޅުލީ ވެހިކަލްގެ ޢަމަލީ އިމްތިހާނު ހެދުމުގެ އިދާރީ ފީ (ކޮންމެ ފަހަރަކަށް) ދެފުރޮޅަށްވުރެ ގިނަފުރޮޅުލީ ވެހިކަލްގެ ޢަމަލީ އިމްތިހާނު ހެދުމުގެ އިދާރީ ފީ (ކޮންމެ ފަހަރަކަށް) ހެވީ ގިންތީގައި ހިމެނޭ ވެހިކަލްގެ ޢަމަލީ އިމްތިހާނު ހެދުމުގެ އިދާރީ ފީ (ކޮންމެ ފަހަރަކަށް)
100.00 ރުފިޔާ 25.00 ރުފިޔާ 50.00 ރުފިޔާ 150.00 ރުފިޔާ

03 އޮކްޓޫބަރު 2023 އިން ފެށިގެން މިއިދާރާއިން އޭޒޯން ލައިސަންސްގެ ޚިދުމަތް ދޭން ފެށުމާއެކު، ލައިސަންސްގެ ޚިދުމަތަށް އެދޭ ފަރާތްތަކުން ޚިދުމަތަށް އެދެންޖެހޭނީ މިނިސްޓްރީ އޮފް ޓްރާންސްޕޯޓް އެންޑް ސިވިލްއޭވިއޭޝަންގެ ސިމްސް https://sims.transport.gov.mv/login ޕޯޓަލްގެ ތެރެއިން އެމީހެއްގެ އީ ފާސް އެކަންޓް މެދުވެރިކޮށެވެ. ލައިސަންސް ހެއްދުމުގެ ފީއަށް ސަރުކާރަށް ދައްކަންޖެހޭ ފައިސާ ދައްކާނީ މިނިސްޓްރީ އޮފް ފިނޭންސް އެންޑް ޕްލޭނިންގ ގެ ބަނޑޭރި ޕޯޓަލް މެދުވެރިކޮށް މިނިސްޓްރީ އޮފް ޓްރާންސްޕޯޓް އެންޑް ސިވިލްއޭވިއޭޝަނަށެވެ.

އެއްގަމު ލައިސަންސް ހެއްދުމަށް މިއިދާރާއަށް ދައްކަންޖެހޭނީ ލައިސަންސް ހެއްދުމުގެ އިދާރީ ފީއެވެ. އިދާރީ ފީއަކީ އަތޮޅު ކައުންސިލުން ދޭ އެއްގަމު ލައިސަންސްގެ ޚިދުމަތަށް ނަގާ ފީއެކެވެ. މި ފައިސާ ޖަމާކުރާނީ މިއިދާރާގެ ޓުރަސްޓް ފަންޑަށެވެ.

ތިރީގައިއެވަނީ އެއްގަމު ލައިސަންސް ހެއްދުމަށް ފީތައް ނަގާ ގޮތުގެ ސަޕޯޓިންގ ޑޮކިއުމެންޓް ތަކެވެ.

އެއްގަމު ލައިސަންސް ހެއްދުމުގެ އިދާރީ ފީ ނެގުމަށް އަތޮޅު ކައުންސިލުން ނިންމި ނިންމުންތައް [Download pdf]


ރަންގަލި ލޯންޗުގައި ކުއްޔަށްކުރާ ދަތުރުތަކުގެ ކުއްޔާއި ޕެސެޖްފީ

ރަންގަލި ލޯންޗުގައި ކުއްޔަށް ކުރާ ދަތުރެއްގެ ކުއްޔަށް ނަގަންޖެހޭ ފައިސާގެ ޢަދަދު ބަލާނީ 4.5 ލިޓަރާއި އެވަގުތަކު ޕެޓްރޯލް ލިޓަރެއް ގަންނަންލިބޭ އަގާއި ގުނަކުރުމުން އަންނަ ޢަދަދާއި، ދަތުރުގެ ސާވިސް ޗާޖްގެ ރޭޓްގެ ޢަދަދު އެއްކުރުމުން އަންނަ ޖުމްލަ ޢަދަދު އެ ދަތުރެއްގެ ދިގުމިނުގެ މޭލުގެ ޢަދަދާއި ގުނަކޮށްގެންނެވެ. ކުއްޔަށްކުރާ ކޮންމެ ދަތުރެއްގެ ކުލީގެ ފައިސާ ނަގާނީ މިގޮތަށް ހިސާބުކޮށްގެންނެވެ. ދަތުރުގެ ދިގުމިނުގެ މޭލު ބަލާނީ އުޅަނދު ފުރާތަނުން ފެށިގެން އެނބުރި އައުމުގެ ރާސްތާގެ ދިގުމިނުގެ ނޯޓިކަލް މޭލަށެވެ. ތިރީގައި އެވަނީ ހިސާބުކުރާނެ ގޮތުގެ ފޯމިއުލާއެވެ.

(4.5 ލިޓަރ * ތެޔޮލިޓަރެއްގެ އަގު + ސާރވިސް ޗާޖްގެ ރޭޓް) * މޭލު = ދަތުރެއްގެ ކުއްޔަށް ނަގަންޖެހޭ ފައިސާގެ ޢަދަދު

ރަންގަލި ލޯންޗުގައި ކުއްޔަށްކުރާ ދަތުރުގެ ސާރވިސް ޗާޖް ނެގުމުގައި ދުވާލު ކުރާ ދަތުރުގެ ރޭޓަކީ 35.00 ރުފިޔާއެވެ. ރޭގަނޑު ކުރާ ދަތުރުގެ ރޭޓަކީ 70.00 ރުފިޔާއެވެ. ދަތުރުގެ ވެއިޓިންގ ޗާޖް ނަގާނީ ދަތުރުގައި ހޭދަވާ ޖުމްލަ ވަގުތުގެ ތެރެއިން އުޅަނދުގައި ދަތުރު ކުރުމަށް ހޭދަކުރި ވަގުތު އުނި ކުރުމަށްފަހު 02 ގަޑިއަށްވުރެ އިތުރުވާ ކޮންމެ ގަޑިއަކަށް 200.00 ރުފިޔާގެ ރޭޓުންނެވެ.

ރަންގަލި ލޯންޗުގައި މާލެއަށްކުރާ ދަތުރުތަކުގައި އެއްކޮޅުގެ ޕެސެޖްފީއަށް ނަގާނީ އެވަގުތަކު މާލެއަށް ފެރީކޮށް އުޅޭ ރޭޓުންނެވެ. ފ. އަތޮޅުން ބޭރު ރަށްރަށަށް ކުރާ ދަތުރު ތަކުގައި 02 އަހަރާއި 10 އަހަރާއި ދެމެދުގެ ޢުމުރުފުރާގެ ކުދިންނަށް އެއްކޮޅުގެ ޕެސެޖްފީއަށް ނަގާނީ މޭލަކަށް 3.00 ގެ ރޭޓުންނެވެ. 10 އަހަރުން މަތީގެ ކުދިންނާއި މީހުންނަށް އެއްކޮޅުގެ ޕެސެޖްފީ އަށް ނަގާނީ މޭލަކަށް 6.00 ރުފިޔާގެ ރޭޓުންނެވެ.

ދެއަހަރު ނުފުރޭ ކުޑަކުދިންނާއި، ތެލެސީމިއާ ލޭއަޅާ ކުދިންނާއި، ޚާއްޞަ އެހީއަށް ބޭނުންވާ ފަރާތްތަކާއި، އެހެންމީހެއްގެ އެހީތެރިކަމާ ނުލައި ނޫޅެވޭ މީހުންނާއި، އެމީހުންގެ އެހީތެރިންނާއި 65 އަހަރުންމަތީގެ މީހުންގެ އަތުން ޕެސެޖްފީއެއް ނުނަގާނެއެވެ.

ރަންގަލި ލޯންޗުގައި ކުރާ ދަތުރުތަކަށް މިހާރު ކުލި ނަގާނީ ފ. އަތޮޅު ކައުންސިލުން 21 ޖަނަވަރީ 2024 ގައި ފާސްކޮށްފައިވާ، "އެއްގަމާއި ކަނޑުގެ އުޅަނދު ފަހަރު ބޭނުން ކުރުމާއި ބެލެހެއްޓުމުގެ" ގައިވާ ގޮތުގެމަތިންނެވެ.

ރަންގަލި ލޯންޗުގައި ކުރާ ދަތުރު ތަކުގެ ކުއްޔަށާއި، ޕެސެޖްފީއަށް ނަގާފައިސާ ޖަމާކުރާނީ މިއިދާރާގެ ޓްރަސްޓް ފަންޑަށެވެ.

ތިރީގައިއެވަނީ ރަންގަލި ލޯންޗުގައި ކުއްޔަށް ކުރާ ދަތުރު ތަކުގެ ކުއްޔަށާއި ޕެސެޖްފީއަށް ފައިސާ ނަގާ ގޮތުގެ ސަޕޯޓިންގ ޑޮކިއުމެންޓް ތަކެވެ.

އެއްގަމާއި ކަނޑުގެ އުޅަނދު ފަހަރު ބޭނުންކުރުމާއި ބެލެހެއްޓުމުގެ ޤަވާޢިދު 2024 - ވާޝަން 2 [Download pdf]


ފ. އަތޮޅު ސްޓޭޓް ހައުސްއިން ދޭ ޚިދުމަތް ތަކުގެ ކުލި

ވީ.ވީ އައި.ޕީ ކޮޓަރި (ދުވާލަކަށް) ވީ.އައި.ޕީ ކޮޓަރި (ދުވާލަކަށް) ޢާންމު ކޮޓަރިތައް (ދުވާލަކަށް) ފަތުރުވެރިންނަށް (ދުވާލަކަށް) ތަޖުރިބާ ދަތުރު ތަކަށް (ދުވާލަކަށް) ސްޓޭޓް ހައުސް ކާގެ (ދުވާލަކަށް)
1,000.00 ރުފިޔާ 650.00 ރުފިޔާ 500.00 ރުފިޔާ 700.00 ރުފިޔާ 100.00 ރުފިޔާ 350.00 ރުފިޔާ
500.00 ރުފިޔާ

03 އެނދު ބަހައްޓާފައިހުރި ކޮޓަރިތައް ފިޔަވައި އެހެން ކޮޓަރިތަކުގައި ތިބެވޭނީ 02 މީހުނަށެވެ. 03 ވަނަ މީހެއް ނުވަތަ ކުއްޖެއް ބޭއްވުމަށް އިތުރު ގޮދަނޑިއެއް ކޮޓަރިއަށް ވައްދާނަމަ، ކޮޓަރީގެ ކުލީގެ އިތުރުން ދުވާލަކަށް 50.00 ރުފިޔާ ނެގޭނެއެވެ.

ފ. އަތޮޅު ސްޓޭޓް ހައުސްގެ ތަށި، ސަމުސާ، ޖޯޑުފަދަ ތަކެތި ބޭނުން ކޮށްގެން ކާގެ ބޭނުން ކުރާނަމަ، ދުވާލަކަށް ނަގާނީ 350.00 ރުފިޔާއެވެ. ތަކެއްޗާއެކު ފ. އަތޮޅު ސްޓޭޓް ހައުސްގެ މުވައްޒަފުން ބޭނުން ކޮށްގެން ކާގެ ބޭނުން ކުރާނަމަ، ދުވާލަކަށް ނަގާނީ 500.00 ރުފިޔާއެވެ.

ފ. އަތޮޅު ސްޓޭޓް ހައުސްގައި ތިއްބަވާ ބޭފުޅުން ލޯންޑްރީގެ ޚިދުމަތް ބޭނުންވާނަމަ، ލޯންޑްރީގެ ޚިދުމަތަށް ނަގާނީ ދޮންނަ މެޝިނަށް ދޮންނަންއަޅާ ކޮންމެ ފަހަރަކަށް 50.00 ރުފިޔާއެވެ. ފ. އަތޮޅު ކައުންސިލްގެ ރައީސާއި، މެންބަރުން ދިރިއުޅުމަށް ފ. އަތޮޅު ސްޓޭޓް ހައުސްއިން ކުއްޔަށް ދޫކުރާ ކޮޓަރިއެއްގެ މަހު ކުލީގެ ގޮތުގައި ނަގާނީ 2800.00 ރުފިޔާއެވެ. ތަޖުރިބާ ދަތުރުތަކުގައި ފ. އަތޮޅަށް އަންނަ ކައުންސިލް އިދާރާތަކުގެ ބައިވެރިންނަށް ފ. އަތޮޅު ސްޓޭޓް ހައުސްއިން ކޮޓަރި ކުއްޔަށް ދޫކުރާނީ ކޮޓަރިއެއް ދުވާލަކަށް 100.00 ރުފިޔާއަށެވެ.

ފ. އަތޮޅު ސްޓޭޓް ހައުސްއިން ފަތުރުވެރިންނަށް ކުއްޔަށް ދޫކުރާ ކޮޓަރިއަކުން ދުވާލަކަށް ނަގަނީ 700.00 ރުފިޔާ ނަމަވެސް ކޮޓަރިއަކުން 800.00 ނެގުމުގެ ފުރުޞަތު އެބައޮތެވެ. ބޭނުންނަމަ އެރޭޓުންވެސް ފައިސާ ނެގިދާނެއެވެ.

ޚިދުމަތުގެ އަގު ނެގުމަށް ދުވަސް ގުނާނީ ކޮޓަރި ބޭނުންކުރަން ފަށާ ވަގުތުން ފެށިގެން 24 ގައިއިރު އެއީ 01 ދުވަހުގެ ގޮތުގައެވެ. 24 ގަޑިއިރު ހަމަނުވިއަސް 06 ގަޑިއިރު ހަމަވެފައިވާނަމަ، އެވަގުތު ގުނާނީ 01 ދުވަހުގެ ގޮތުގައެވެ.

ފ. އަތޮޅު ސްޓޭޓް ހައުސްއިން ދޭ ޚިދުމަތްތަކަށް މިހާރު ކުލި ނަގާނީ ފ. އަތޮޅު ކައުންސިލުން 25 ޖަނަވަރީ 2024 ގައި ފާސްކޮށްފައިވާ، "ފ. އަތޮޅު ސްޓޭޓް ހައުސް ހިންގައި ބެލެހެއްޓުމުގައި ޢަމަލުކުރާނެ ގޮތުގެ އުޞޫލް" ގައިވާ ގޮތުގެމަތިންނެވެ.

ފ. އަތޮޅު ސްޓޭޓް ހައުސްއިން ދޭ ޚިދުމަތްތަކުގެ ކުއްޔަށް ނަގާ ފައިސާ ޖަމާކުރާނީ މިއިދާރާގެ ޓްރަސްޓް ފަންޑަށެވެ.

ތިރީގައި އެވަނީ ފ. އަތޮޅު ސްޓޭޓް ހައުސްއިން ދޭ ޚިދުމަތްތަކަށް ކުލި ނަގާގޮތުގެ ސަޕޯޓިންގ ޑޮކިއުމެންޓެވެ.

ފ. އަތޮޅު ސްޓޭޓް ހައުސް ހިންގައި ބެލެހެއްޓުމުގައި ޢަމަލުކުރާނެ ގޮތުގެ އުޞޫލް 2024 - ވާޝަން 3 [Download pdf]

ފ. އަތޮޅު ސްޓޭޓް ހައުސްއިން ފަތުރު ވެރިންނަށް ކުއްޔަށް ދޫކުރާ ކޮޓަރިން ކުލި ނެގުން [Download pdf]


އެއްގަމު އުޅަނދު ތަކުން ދޭ ޚިދުމަތް ތަކުގެ ކުލި

އެއްގަމު ދަތުރުތައް ކުރާނީ ވޭނާއި ބަގީގައެވެ. ދަތުރުތައްކުރާނީ ދެގޮތަކަށެވެ. އެއީ ދަތުރެއްގެ ގޮތުގައާއި ގަޑިއަށް ދަތުރު ކުރުމެވެ. ދަތުރެއްގެ ދިގުމިނަކީ 30 މިނިޓެވެ. ދަތުރުގެ ގޮތުގައި 30 މިނިޓްގެ ދަތުރެއް ކުރާނަމަ، ނަގާނީ 25.00 ރުފިޔާއެވެ. ދަތުރެއްގެ ދިގުމިން 30 މިނިޓަށްވުރެ އިތުރުވާނަމަ، ދަތުރު ބަދަލުވާނީ ގަޑިއިރަށެވެ. ގަޑިއިރަކަށް ނަގާނީ 120.00 ރުފިޔާއެވެ. ގަޑިއަށް ދަތުރު ކުރާއިރު 30 މިނިޓަކަށް ނަގާނީ 60.00 ރުފިޔާއެވެ. 30 މިނިޓަށްވުރެ އިތުރު ވެފައި ގަޑިއިރެއް ހަމަނުވިޔަސް ކުލި ނަގާނީ ގަޑިއިރަކަށް ނަގާ ޢަދަދެވެ. ގަޑިއަކަށްވުރެ އިތުރުވެއްޖެނަމަ، ނަގާނީ އިތުރުވާ ކޮންމެ 05 މިނިޓަކަށް 10.00 ރުފިޔާއެވެ. ރޭގަނޑު 12 އިން ހެނދުނު 6.00 އާއި ދެމެދު ކުރާ ދަތުރު ތަކުގައި މިއިން ކޮންމެ ބަޔަކުންވެސް ކުލިނަގާނީ އަގުގެ ދެގުނައަށެވެ.

އެއްގަމު ދަތުރު ތަކުގެ ކުއްޔަށް ނަގާ ފައިސާ ޖަމާކުރާނީ މިއިދާރާގެ ޓްރަސްޓް ފަންޑަށެވެ.

އެއްގަމު ދަތުރުތަކަށް މިހާރު ކުލި ނަގާނީ ފ. އަތޮޅު ކައުންސިލުން 21 ޖަނަވަރީ 2024 ގައި ފާސްކޮށްފައިވާ، "އެއްގަމާއި ކަނޑުގެ އުޅަނދު ފަހަރު ބޭނުން ކުރުމާއި ބެލެހެއްޓުމުގެ" ގައިވާ ގޮތުގެމަތިންނެވެ.

ތިރީގައިއެވަނީ އެއްގަމު ވެހިކަލް ތަކުގައި ކުއްޔަށް ކުރާ ދަތުރު ތަކުގެ ކުއްޔަށް ފައިސާ ނަގާ ގޮތުގެ ސަޕޯޓިންގ ޑޮކިއުމެންޓެވެ.

އެއްގަމާއި ކަނޑުގެ އުޅަނދު ފަހަރު ބޭނުންކުރުމާއި ބެލެހެއްޓުމުގެ ޤަވާޢިދު 2024 - ވާޝަން 2 [Download pdf]


Back to top